সেই জীৱন ভালপোৱা ছোৱালীজনী (মালবিকা ব্ৰহ্ম)

সেই জীৱন ভালপোৱা ছোৱালীজনী সেই গুনগুনাই গান গাই থকা ছোৱালীজনীৰ কথাই কৈছো, তাই হেনো হাঁহি থাকি ভাল পায়, গান গুনগুনাই ভাল পায় ।
*******
তাই কয়...
"অভাৱৰ পৰা প্রবঞ্ছনালৈ, লাঞ্ছনাৰ পৰা প্রতাৰণালৈ...." নানান ক'লা নীলা বুটা বছা ৰিহাখনেৰেই হেনো তাইৰ যৌৱন আৱৰা,
তাইৰ জীৱন আৱৰা ,
দুচকুতে যেন পী থৈছে সমস্ত নীলকণ্ঠী গৰল ।
********
তথাপি তাই হাঁহে,
তাই গুনগুনায় ।
তাই গুনগুনাই যায় জীৱনৰ গান সময়ক প্রত্যাহ্বান দি... ডাৱৰ ফালি ৰ'দ ওলোৱাৰ সপোন জীপাল দি...
জীৱনক জীয়ন দি ।।